ပြည်ထောင်စုသမ္မတမြန်မာနိုင်ငံတော်၊ အမျိုးသားညီညွတ်ရေးအစိုးရ
Federal Net Campaign ကြေညာချက်
Federal Net Campaign ကြေညာချက်
နိုဝင်ဘာလ ၃၀ ရက်၊ ၂၀၂၃ ခုနှစ်
ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးဌာနမှ ဦးဆောင်၍ နိုင်ငံတကာမှ Fundraiser များပူးပေါင်းကာ Pilot Project ဖြစ်သော အင်တာနက်ခက်ခဲသော နယ်မြေ (၅) ခုတွင် အင်တာနက်ဝန်ဆောင်မှု ပေးနိုင်ရေးအတွက် Federal Net Campaign ကို ပြုလုပ်နေကြောင်း သတင်းကောင်းပါးအပ်ပါသည်။ Campaign ကို နိုဝင်ဘာလ ၂၀ ရက် မှ စတင်၍ ဒီဇင်ဘာလ ၁၉ ရက်ထိ Campaign ကာလ တစ်လတာ ကြာမြင့်မည်ဖြစ်သည်။
Federal Net Campaign ၏အဓိကရည်ရွယ်ချက်မှာ နစ်နာဆုံးရှုံးနေရတဲ့ တိုင်းရင်းသားပြည်သူများနှင့် တော်လှန်ရေး ရဲဘော်များ၏ ပညာရေး၊ ကျန်းမာရေး၊ လူသားချင်းစာနာထောက်ထားရေး၊ ဆက်သွယ်ရေး၏ နည်းပညာကဏ္ဍဖြင့် စစ်ရှိန်မြင့်တင်နိုင်ရေး၊ သတင်းအချက်အလက် မြန်ဆန်စွာဖြန့်ဝေနိုင်ရေး၊ လုံခြုံရေးဆိုင်ရာကိစ္စရပ်များနှင့် အုပ်ချုပ်မှုဆိုင်ရာယန္တရားများ ပိုမိုလျင်မြန်လုံခြုံစွာ ဆောင်ရွက်နိုင်ရေးတို့အတွက်အထောက်အကူပြုနိုင်ရန်ဖြစ်သည်။
တော်လှန်ရေးအရှိန်အဟုန်မြင့်လာပြီး မြို့သိမ်းတိုက်ပွဲများ ဆင်နွှဲနေသောကြောင့် တိုက်၊ ထိန်း၊ သိမ်းဆိုတဲ့ အဆင့် တိုင်းမှာ တော်လှန်ရေးရဲဘော်များ၊ ပြည်သူများ အားလုံး အချင်းချင်းချိတ်ဆက်ဆောင်ရွက်နိုင်ရေး၊ ဆက်သွယ်ရေး ပြတ်တောက်မှုမရှိစေရေး၊ သတင်းလုံခြုံစေရေးစသည့် အခန်းကဏ္ဍများတွင် အင်တာနက်သည် မရှိမဖြစ်လိုအပ်ချက် တစ်ခုဖြစ်ပါသည်။
တိုက်ပွဲများဖော်ဆောင်နေစဉ်အတွင်း ပြည်သူများ၏ အသက်အန္တရာယ် မထိခိုက်စေရေးအတွက် သက်ဆိုင်ရာ တော်လှန်ရေး အုပ်ချုပ်မှုအဖွဲ့များမှ ထုတ်ပြန်သောသတိပေးတားမြစ်ချက်များကို သိရှိနိုင်စေရန် အင်တာနက် ဆက်သွယ်ရေးသည် အဓိကလိုအပ်ချက်တစ်ခုဖြစ်ပါသည်။ ထိုကဲ့သို့သော လိုအပ်ချက်များကို ဖြည်းဆည်းဆောင်ရွက်နိုင်ရန် Federal Net Campaign ကို ပြုလုပ်ရခြင်း ဖြစ်ပါ သည်။
စစ်အာဏာရှင်စနစ် ချုပ်ငြိမ်းပြီး တန်ဖိုးရှိသော တော်လှန်သူရဲကောင်းများနှင့် ပြည်သူများ၏ အသက်အန္တရာယ်ကို အချိန်မီ ကာကွယ်သတိပေးနိုင်ရန်နှင့် လုံခြုံစိတ်ချရသောဆက်သွယ်ရေးကွန်ရက်ရရှိနိုင်ရန်တို့အတွက်လည်း ဤ Campaign ကို ပြုလုပ်ရခြင်းဖြစ်ပါသည်။
သို့ဖြစ်ပါ၍ ပြည်သူများအနေဖြင့် “မြန်ဆန်ချိတ်ဆက် အောင်ပွဲအတွက်၊ ဖက်ဒရယ်နက် အင်တာနက် (ကွန်ရက်)” ဆိုသော ဆောင်ပုဒ်လေးနှင့်အတူ နယ်မြေဒေသအသီးသီးတွင် အင်တာနက်ချိတ်ဆက်အသုံးပြုနိုင်ရန် Campaign တွင် ကူညီပါဝင်အားဖြည့်ပေးကြပါရန် တိုက်တွန်းလိုက်ရပါသည်။
#FederalNetCampaign
#federalnet
#SpringRevolution