by Phoe Lone | May 6, 2025 | သတင်းများ
စစ်ကိုင်းတိုင်း၊ မကွေးတိုင်း၊ မန္တလေးတိုင်းနှင့် တိုင်းရင်းသားပြည်နယ်တချို့ရှိ ဒေသများတွင် အင်တာနက်ဆက်သွယ်ရေး ပြတ်တောက်မှုမရှိစေရေး အတွက် ဆက်သွယ်ရေးစက် (Device အစုံ) အလုံးပေါင်း (၂၀၀) နီးပါးခန့် တပ်ဆင်ထားပြီးဖြစ်ပါသည်။ စစ်ကိုင်းတိုင်း အတွင်းရှိ မြို့နယ် (၂၂) ရှိ၊ ကျေးရွာပေါင်း (၇၈) ရွာတွင် ပြည်သူများ အင်တာနက် ပြတ်တောက်မှု မရှိစေရေးနှင့် ကျောင်းသား/သူများ အွန်လိုင်းပညာရေး အဆက်မပြတ် လေ့လာသင်ယူ နိုင်စေရန်အတွက် Federal Net အင်တာနက်ကွန်ယက် သုံးစွဲနိုင်ရေးဆောင်ရွက်ပေးခဲ့ပြီး လက်ရှိ အချိန်အထိ Federal Net အင်တာနက် နေ့စဉ်ပျမ်းမျှသုံးစွဲသူ (၁၂၃,၀၀၀) ဦးခန့် ရှိကြောင်း အမျိုးသားညီညွတ်ရေးအစိုးရ၊ ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးဌာနမှ ပြည်သူများအတွက် ဆောင်ရွက်ထားရှိပါသည်။
MOCIT
by Phoe Lone | May 6, 2025 | လှုပ်ရှားမှုများ, သတင်းများ
၂၀၂၁ တော်လှန်ရေးရဲ့အစ…..
“ဖက်ဒရယ် တပ်မတော် (Federal Army) ထူထောင်ရမယ်လို့ အသံတွေညံလာချိန်။ ဖက်ဆစ်စစ်တပ်ရဲ့ ယုတ်မာမှုကိုခုခံကာကွယ်ရင်း လူထုကလက်နက်ကိုင်ပြီး တုန့်ပြန်လာချိန်မှာ ပြည်သူကိုအခြေပြုထားတဲ့ ပြည်သူ့ကာကွယ်ရေး တပ်မတော် Peoples Defence Force ဆိုတဲ့အဖွဲမျိုးနဲ့ စသင့်တယ်ဆိုပြီး စခဲ့ကြတာ ၄ နှစ်တောင်ပြည့်ခဲ့ပြီ။ ဒါဟာစစ်အာဏာရှင်ကိုဖြုတ်ချဖို့ အကြီးမားဆုံးတန်ပြန်လှုပ်ရှားမှု ဖိအားဖြစ်လာခဲ့တယ်။ နှစ်ပေါင်းများစွာ အာဏာကိုသေနတ်နဲ့ လုယူထားတဲ့ အာဏာရှင်တွေအတွက် ကြီးမားတဲ့ အိမ်မက်ဆိုးဖိအားဖြစ်နေတယ်။ ဒါကြောင့် ဒီကနေ့ထိ အသက်သွေးချွေးပေါင်းများစွာနဲ့ ရင်းနှီးထားရတဲ့ ဒီတော်လှန်ရေးမှာ ရှေ့ဆုံးတန်းကနေ တိုက်ပွဲဝင်နေကြသူအပေါင်းကို လေးစားဂုဏ်ယူလျှက်ပါ”
ဟု ပြည်ထောင်စုဝန်ကြီးမှ PDF တပ်မတော် ၄ နှစ်ပြည့် အထိမ်းအမှတ်သို့ ဂုဏ်ပြုစကားပါးလိုက်ပါသည်။
ဦးထင်လင်းအောင်
ပြည်ထောင်စုဝန်ကြီး
ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးဌာန
by Phoe Lone | Dec 19, 2024 | သတင်းများ
ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးဌာနမှ SmartGov Facebook Page အသစ်ဖွင့်လှစ်ရက်စွဲ။ ၂၀၂၄ ခုနှစ်၊ ဒီဇင်ဘာ ၁၉ ရက်။
ဆက်သွယ်ရေး၊ သတင်းအချက်အလက်နှင့်နည်းပညာဝန်ကြီးဌာနမှ SmartGov Facebook Page (https://www.facebook.com/smartgov/) အသစ်ကို စတင်ဖွင့်လှစ်လိုက်ပြီဖြစ်ပါသည်။
Page တွင် SmartGov Products များအကြောင်းနှင့် နည်းပညာနှင့်သက်ဆိုင်သည့်အကြောင်းအရာများအား ဝင်ရောက်ကြည့်ရှုနိုင်မည်ဖြစ်ပါသည်။
by Phoe Lone | Nov 23, 2024 | ထုတ်ပြန်ချက်များ
Phishing Website များအသိပေးခြင်း
၂၀၂၄ ခုနှစ်၊ နိုဝင်ဘာလ ၂၂ ရက်။
လက်ရှိတွင် nugmyamnar.org အမည်ဖြင့် Website အတုများပြုလုပ်၍ အချက်အလက်များ လိမ်လည်ရန် ကြိုးပမ်းလျှက်ရှိသည်ကို သိရှိရပါသည်။
ထိုကဲ့သို့ Security Awareness ရှိစွာ Report များပေးပို့လာသည့် ပြည်သူ တစ်ဦးတစ်ယောက်ချင်းအား လွန်စွာကျေးဇူးတင်ရှိပါသည်။
ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးဌာနအနေဖြင့် Phishing အကြောင်းအရာ များအားပြည်သူများသိရှိစေရန်အတွက် MOCIT ၏ https://mocit.nugmyanmar.org/innovation-hub/ ဝဘ်ဆိုဒ်နှင် MOCIT ၏ Youtube https://www.youtube.com/watch?v=Ertkn_JKwZc တွင် ဖော်ပြထားသည့်အပြင် Awareness Training များကိုလည်း ပြုလုပ်ခဲ့ပြီးဖြစ်ပါသည်။
လက်ရှိတွင် ကျန်ုပ်တို့အနေဖြင့် သက်ဆိုင်ရာ Hosting Provider နှင့် Domain Provider များအား တိုင်ကြားထားပြီး ၎င်းတို့နှင့်အတူတကွ ဖြေရှင်းဆောင်ရွက်နေပြီဖြစ်ပါသည်။ အတုအယောင် website ကို access လုပ်၍မရရှိစေရေးအတွက်လည်း ဆောင်ရွက်ပြီးဖြစ်ပါသည်။
ယခု Phishing ကြောင့်မည်သည့် data များမှ ပါသွားခြင်း မရှိသည့်အတွက် ထိတ်လန့်ကြောက်ရွံ့ခြင်း (Panic) မဖြစ်စေဖို့ပြောကြားလိုပါသည်။
ထိတ်လန့်ကြောက်ရွံ့ခြင်း (Panic) ကြောင့် security awareness ကို သတိလက်လွတ်ဖြစ်စေတတ်သည့်အတွက် ပြည်သူများအနေဖြင့် Panic မဖြစ်ပဲ NUG ၏ တရားဝင် Domain ကို Security Awareness ရှိစွာဖြင့် စစ်ဆေးပြီး အသုံးပြုကြစေလိုပါကြောင်း တိုက်တွန်းအပ်ပါသည်။
NUG ၏ တရားဝင် Domain မှာ nugmyanmar.org ဖြစ်ပါသည်။
အတု nugmyamnar.org တွင် n နှင့် m ကို နေရာလွဲထားပါသည်။
အလားတူ မျက်စိအမြင်မှားစရာ အက္ခရာ ရှေ့နောက် ရွေ့ထားနိုင်တာကြောင့် nugmyanmar.org အတိအကျ ဟုတ် မဟုတ် သတိထားကြဖို့ တိုက်တွန်းအပ်ပါသည်။
သတင်းအချက်အလက်၊ နည်းပညာနှင့် ဆိုက်ဘာလုံခြုံရေးဌာန
ဆက်သွယ်ရေး၊ သတင်းအချက်အလက်နှင့် နည်းပညာဝန်ကြီးဌာန
အမျိုးသားညီညွတ်ရေးအစိုးရ
#NUG
#MOCIT
by Phoe Lone | Nov 23, 2024 | သတင်းများ
MOCITရဲ့ITဌာနကနေ VPN တခုကို ဖန်တီးနိုင်ခဲ့ပြီးစမ်းသပ်ကာလအနေနဲ့ လူဦးရေ ၁၀၀၀ စတင်သုံးစွဲနေကြောင်း ပြည်ထောင်စုဝန်ကြီးဦးထင်လင်းအောင်အသိပေး
==============
၂၀၂၄ ခုနှစ်၊ နို၀င်ဘာလ ၁၂ ရက်
Radio NUG
MOCITရဲ့ITဌာနကနေ VPN တခုကို ဖန်တီးနိုင်ခဲ့ပြီးစမ်းသပ်ကာလအနေနဲ့ လူဦးရေ ၁၀၀၀ စတင်သုံးစွဲနေကြောင်း ပြည်ထောင်စုဝန်ကြီးဦးထင်လင်းအောင်အသိပေးဆိုပါတယ်။
နိုဝင်ဘာ၁၂ရက်ဆိုရှယ်မီယာကနေ ဆက်သွယ်ရေးသတင်းအချက်အလက်နဲ့နည်းပညာဝန်ကြီးဌာန ပြည်ထောင်စုဝန်ကြီး ဦးထင်လင်းအောင်ကဆိုပါတယ်။
“ပြည်သူလူထုကို နည်းမျိုးစုံနဲ့ နှိပ်စက်နေတဲ့ စကစဟာ သတင်းလွတ်လပ်ခွင့်နဲ့ အင်တာနက်သုံးစွဲမှုကို ဖြတ်တောက်ခဲ့တယ်။ VPN ဆိုတဲ့ နည်းကိုသုံးစွဲပြီး လူမှုကွန်ယက်စာမျက်နှာတွေသုံးစွဲနေတဲ့ ပြည်သူတွေကိုလည်း သုံးစွဲလို့မရအောင် VPN တွေကို ပိတ်ဆို့တားဆီးထားလိုက်တယ်။ ဒါပေမယ့် နည်းပညာဆိုတာ ဘယ်လိုမှ တားဆီးမရဘူးဆိုတာကိုပြသဖို့နဲ့ တော်လှန်ရေးအတွက် အဓိကအထောက်အကူဖြစ်စေဖို့ ကျနော်တို့ရဲ့ IT ဌာနကနေ VPN တခုကို ဖန်တီးနိုင်ခဲ့ပါပြီ။ မြောက်ပိုင်းရဲ့ အင်အားစုတွေက စမ်းသပ်သုံးစွဲပြီး အတားအဆီးတွေကို ကျော်လွန်အောင်မြင်စွာနဲ့ အမြန်နှုန်းလည်း မကျပဲ NUG အစိုးရရဲ့ အလုပ်တွေကို လုပ်နေနိုင်ပြီဖြစ်ပါတယ်။ ပထမဆုံး စမ်းသပ်ကာလအနေနဲ့ လူဦးရေ ၁၀၀၀ စတင်သုံးစွဲနေပြီဖြစ်ပါတယ်။ ဘယ် Service Provider ကိုပဲသုံးသုံး အောင်မြင်စွာနဲ့ ကျော်လွှားနိုင်ခဲ့ပြီဖြစ်ပါတယ်။
တော်လှန်ရေးအင်အားစုတွေနဲ့အတူ လူထုကပါ သုံးစွဲနိုင်ဖို့လည်း ရည်ရွယ်ထားပါတယ်”လို့ဝန်ကြီးကဆိုပါတယ်။
အမျိုးသားညီညွတ်ရေးအစိုးရ ဆက်သွယ်ရေးသတင်းအချက်အလက်နဲ့နည်းပညာဝန်ကြီးဌာနဟာ တော်လှန်ရေးကိုတိုက်ရိုက်အကျိုးရှိစေဖို့ အင်တာနက်ကို တော်လှန်အင်အားစုတင်မက ပြည်သူတွေပါအသုံးပြုနိုင်ဖို့ ဖက်ဒရယ်နက်ခ်ကိုလည်း တည်ဆောက်ပေးခဲ့ပါတယ်။
#MOCIT
#NUG
လတ်တလော မှတ်ချက်များ